Armorum et équitandi peristissimus, laboris ultra fidem patiens erat. In agmine nonnunquam equo, saepius pedibus anteibat, capite detecto, seu sol, seu imber esset. Longissimas vias incredibili celeritate confecit [...] ut persaeque nuntios de se pravenerit. Idem, obsessione castrorum in Germania nuntiata, per stationes hostium Gallico habitu penetravit ad suos. A Brundisio Dyrrachium inter oppositas classes hieme transmisit; cessantibusque copiis quas subsequi jusserat, cum ad arcessendas frustra saepe misisset, novissime ipse clam noctu parvulum navigium solus, obvoluto capite, conscendit; neque quis esset ante detexit aut gubernatorem cedere adversae tempestati passus est quam paene obrutus fluctibus.
